دل جس ﷺ سے زندہ ہے

یہ رنگ و نور اے شہہ خوباں تمہیں سے ہے
ہر سو بہارِ حسن فروزاں تمہیں سے ہے

قائم و تار دیدۂ عرفاں تمہیں سے ہے
واللہ! جلال و سطوتِ قرآن تمہیں سے ہے

جلوہ تمہارا باعثِ تزئین کائنات
بزم جہاں میں ہر سو چراغاں تمہیں سے ہے

عکس جمالِ روئے منور ہے ماہ میں
جلوہ فروز نیّر تاباں تمہیں سے ہے

بوئے نفس سے آپ کی ہے نگہتِ چمن
گویا بہارِ گلشن امکاں تمہیں سے ہے

سلطانِ حسن! مظہر درخشاں تمہیں سے ہے
ہر ذرہ رشکِ مہر درخشاں تمہیں سے ہے

روق فرائے بزمِ جہاں ہے تمہارا ذکر
یعنی و تارِ محفل دوراں تمہیں سے ہے