دل جس ﷺ سے زندہ ہے

جو نور محمد فروزاں نہ ہوتا
خُدائی کا جلوہ نمایاں نہ ہوتا

بہار و خَزاں کے نہ ہوتے یہ منظر
گلوں سے مزین گُلستاں نہ ہوتا

نہ دُنیا بُرائی سے معمور ہوتی
دلوں میں کہیں نورِ ایماں نہ ہوتا

اندھیرا ہی رہتا زمانے پہ طاری
کہیں چاند سورج فروزاں نہ ہوتا

نہ ملتیں زمانے کونیکی کی راتیں
جہالت کا پھر دُور طوفاں نہ ہوتا

جو پیغام حق کا محمد نہ لاتے
تو نورِ الٰہی درخشاں نہ ہوتا

محمد نہ آتے جو دُنیا میں خورشید
حقیقت ہے انساں ، انساں نہ ہوتا