دل جس ﷺ سے زندہ ہے

جب اذاںعشقِ محمد کی سنائی آئی
مجھ کو سوئی ہوئی تقدیر جگانی آئی
آپ آئے تو زمانے کا مقد بدلا
اک نئے موڑ پہ انساں کی کہانی آئی
قطرے قطرے کوملا موجِ اُخوت کا فروغ
منجمد بحرِ تمنّا میں روانی آئی
سنگ زاروں کو ملا حُسن تکلّم کا شعور
تخلیاں دفن ہوئیں ، شیریں بیانی آئی
ناخدائی کا سلیقہ وہ دیااُمّت کو
کشتی شوق سمندر میں بہانی آئی
آپ جب آئے گلستاں میں بہاریں لے کر
خار کے لب پہ بھی پھولوں کی کہانی آئی
عام جس وقت ہوا جلوہ فیضانِ رسول
بات بگڑی ہوئی انساں کو بنانی آئی
اللہ اللہ محمد کے تحمّل کا مقام
کھا کے پتھر نہ طبیعت پہ گرانی آئی
مدحِ سرکارِ دوعالم کایہ اعجاز مبیں
طفلِ افکار پہ ساقی کے جوانی آئی