دل جس ﷺ سے زندہ ہے

کتابِ فطرت کے سرورق پہ جو نام احمد رقم نہ ہوتا
ونقش ہستی اُبھرنہ سکتا ، وجودِ لوح وقلم نہ ہوتا

یہ محفلِ کن فکاں نہ ہوتی ، جو وہ امامِ اُمم نہ ہوتا
زمیں نہ ہوتی ، فلک نہ ہوتا ، عرب نہ ہوتا ، عجم نہ ہوتا

ترے غلاموں میں بھی جو تیرا ہی عکس شانِ کرم نہ ہوتا
تو بارگاہِ ازل سے ان کا خطاب خیرُالامم نہ ہوتا

ہر اک سویدائے دل سے پیدا جھلک محمد کے میم کی ہے
دل اس کی خلوت سرانہ بنتا جونقش یہ مُرتسم نہ ہوتا

اگرنہ کرتا وہ کنزِ مخفی ، جمال وحدت کی پردہ داری
تو آب وگِل کے اس آئینے میں ظہور نورِ قِدم نہ ہوتا

نہ روئے حق سے نقاب اُٹھتا ، نہ ظلمتوں کا حجاب اُٹھتا
فروغ بخشِ نگاہِ عرفاں، اگر چراغِ حرم نہ ہوتا