دل جس ﷺ سے زندہ ہے

تو شمعِ نبوّت ہے عالم تیرا پروانہ
تو ماہِ رسالت ہے اے جلوۂ جانا نہ

جو ساقیٔ کوثر کے چہرے سے نقاب اٹھے
ہر دل بنے میخانہ نہ آنکھ ہو پیمانہ

میں شاہِ نشیں ٹوٹے دل کو نہ کہوں کیسے
ہے ٹوٹا ہوا دل ہی مولا ترا کاشانہ

کیوں زلف معنبر سے کوچے نہ مہک اٹھیں
ہے پنجۂ قدرت جب زلفوں کا ترے شانہ

ہر پھول میں بو تیری ہر شمع میں ضو تیری
بلبل ہے ترا بلبل پروانہ ہے پروانہ

سنگِ درِ جاناں پر کرتاہوں جبیں سائی
سجدہ نہ سمجھ نوریؔ سر دیتا ہوں نذرانہ

آباد اسے فرما ویران ہے دلِ نوریؔ
جلوے ترے بس جائیں آباد ہو ویرانہ