ساڈیاں محبتاں دا چنگا مُل پایا اِی داغ ساڈے دل تے وچھوڑیاں دا لایا ای
پتہ نہیں تُوں کہٹری گلوں ساڈے نال رسیا تیڈے باجوں چین ساڈی زندگی دا رسیا
سچ دس کاہنوں ساتھوں مکھ پرتایا ای داغ ساڈے دل تے وچھوڑیاں دا لایا ای
دردی جے ہووے کوئی سانوں دسے آ کے بُھل گئیوں سانوں کتھے بیٹھوں دل لا کے
وَکھرا ای ساتھوں نواں جگ جا وسایا ای داغ ساڈے دل تے وچھوڑیاں دا لایا ای
دَس کے تے جاندوں سانوں مُڑ کدوں آویں گا آساں تے اُمیداں والی جھوک وَساویں گا
کیدے پچھے لگ سانوں دلوں چا بھلایا ای داغ ساڈے دل تے وچھوڑیاں دا لایا ای
جیوندیاں نہ سکھاں دی امید کوئی رہی اے دھوکہ دے کے توں تے ساڈی جند کڈ لئی اے
عمراں دا رونٹراں اَج ساڈے گل پایا ای داغ ساڈے دل تے وچھوڑیاں دا لایا ای
