دُکھ سارے رَبا سانوں ہی وچھوڑیاں دِے لائے سُکھ پیار والے ساڈے حصے دَس کیوں نی آئے
اَساں پیار کر بیھٹے ڈاہڈی بُھل ساتوں ہوئی ایتھے سجنڑاں دے باہجوں دُکھ جانڑدا نی کوئی
جیڑے لگدے سِی اپنے او ہوئے نے پرائے سُکھ پیار والے ساڈے حصے دَس کیوں نی آئے
لائے پَھٹ ساڈے دِل تے وچھوڑے دِیاں سَلاں کُجھ کھا گہیاں سانوں اِیس جگ دیاں گلاں
لوکاں پیار دِیاں وِیریاں نے ساہ نے سکائے سُکھ پیار والے ساڈے حصے دَس کیوں نی آئے
اَساں چانواں نال پیار وَالی کھیڈ سی رَچائی خوشی اِک وی اِے ساڈی تُوں نہ توڑ چڑھائی
دِن رات اَساں رو رو ہاڑے تیرے اَگے پائے سُکھ پیار والے ساڈے حصے دَس کیوں نی آئے
ہوکے بن گے نے ہاواں ہُن پیندیاں نی ٹھلاں ہنجو اَکھیاں دِے وچ نِت مار دے نے چھلاں
ساڈے چندرے نصیباں سانوں دِن اِے وکھاے سُکھ پیار والے ساڈے حصے دَس کیوں نی آئے
پا کے پیار ساڈے پلے اَکھاں بند کر لہیاں ساڈے جو سِر پئی یاں اَساں سب جَر لئییاں
لِکھے لیکھ اِے بشیرؔ ساتھوں جاندے نہ مٹائے سُکھ پیار والے ساڈے حصے دَس کیوں نی آئے
