بری نظامی کی شاعری

ہو ہو ہو سِر بھار جدائیاں دا
دُور دُور وَسدے ہو ہو ہو فیر فائدہ کی لائیاں دَا

ہو ہو ہو آکھے لگ کے شریکاں دے
ویکھیں کِتھے چن میریا ہو ہو ہو وس پانویں نہ تر یکاں دے

ہو ہو ہو مُکھ موڑ کے ٹُر جاندے
کالیاں بدلاں وانگوں ہو ہو ہو نہیں وسدے تے ٹُر جاندے

ہو ہو ہو ڈس سگدا اِیں تے ڈس سجنڑاں
کدی نہ میں دِل ڈیندی ہو ہو ہو جے ہندا میرے وس سنجڑاں

ہو ہو ہو لا کے تیرے نال بُھل گئی آں
ہک واری تک تے سہی ہو ہو ہو ککھاں وَانگوں میں رُل گئی آں

ہو ہو ہو بُول پیار والے بول لیئے
رَل مِل سنجڑاں وے ہو ہو ہو کوئی دُکھ سُکھ پھول لئیے

ہو ہو ہو جھولی دُکھاں دَا پیا گیناں
تیڈے باجوں سجناں وے ہو ہو ہو اَساں جی کے وی کی لیناں

ہو ہو ہو لگی وَالیاں نے کی سونڑاں
خوشیاں تے نہیں لبھیاں ہو ہو ہو ساہڈے پلے وے پیا رونا

ہو ہو ہو دُکھ پیار وَالا لے گیا اِے
شکل ڈِکھا جا بر ی ؔ ہو ہو ہو ساہ اِک دو اِی رِہ گیا