ساری دنیا کے ہیں وہ میرے سوا
میں نے دُنیا چھوڑ دی جن کیلئے
نی عشق دے پچھے نہ پوہ سسیے نی توں چھڈ دے عشق دا کھیڑا
نی بالاں وانگر ضد نہ کر توں عشق دا راہ اے بھہڑا
او شِکر دوپیراں وانگ رولے اَتھے ماروں تھل دے پینڈے
بری نظامیؔ کہن سیانے عشق دا روگ آویڑا
نی اُونٹھاں والے ٹُر جانڑ گے فیر لبھدی پھریں گی ہانڑی
نی سسیے جاگدی رئیں راہ تجدی نیند نہ مانڑی
پیر پیر تے پہن پھلیکے اے ہے عشق دوآرا
توں الڑ مٹیار اَیانڑی تیرا روپ کنوارا
نی پھلاں جئے مکھڑے تے کتھے شِکر دوپہر ناتانڑی
نی سسیے جاگدی رئیں راہ تج دی نیند نہ مانڑی
نی اُونٹھاں والے ٹُر جانڑ گے
وچ چنہاں دے سوہنی ڈُب گئی رات کباباں والی
تیرے نال وی اِنج نہ ہووے رات شراباں والی
نی ویلا گیا ہتھ نہ آوے توُں ویلا آپ پچھانی
نی سسیے جاگدی رئیں راہ تجدی نیند نہ مانڑی
نی اُونٹھاں والے ٹُر جانڑ گے
عشق دِی راہوں کھنجے جہڑے پیندے لمبیاں واٹاں
ہائے مرن تیکر نہ مگروں لیندی عشق دِیاں اِے چاٹاں
نی چھم چھم بدلاں وانگوں کتھے اَکھیاں وچ وس پئے نہ پانی
نی سسیے جاگدی رئیں راہ تک دی نیند نہ مانڑی
نی اُونٹھاں والے ٹُر جانڑ گے
تُوں اُونٹھاں دِیاں ٹلیاں سُنڑ سُنڑ اُٹھ بہہ ناں کمب کمب کے
ہائے ماروں تھل دِیاں تپ دِیاں رِیتاں تھک مرسی ہمب ہمب کے
نی ہر پاسے جھاکے پین گے کتھے یار بریؔ ناں جانی
نی سسیے جاگدی رئیں راہ تک دی نیند نہ مانڑی
نی اُونٹھاں والے ٹُر جانڑ گے
