نی عشق دے پچھے نہ پوہ سسیے اَتے چھڈ دے عشق دا کھیڑا
بالاں وانگر ضد نہ کر توں عشق دا راہ اے بھہڑا
او شِکر دوپیراں وانگ رولے اَتھے ماروں تھل دے پینڈے
بری نظامیؔ کہن سیانڑیں او عشق دا روگ آویڑا
نی اُونٹھا ں والے ٹُر جانٹر گے فیر لبھدی پھریں گی ہانٹری
نی سسیے جاگدی رئیں راہ تجدی نیند نہ مانٹری
او عشق اوراں دے پچھے لگ کے اَتے کوئی پچھے نہیں مُڑیا
کسے نے تخت ہزارہ چھڈیا اَتے کوئی چنہاں وچ رُڑیا
او منزل اُتھے کوئی کوئی جاندا او ویکھیا بری نظامیؔ
سسیے اوہنوں موت سویڑی او عشق وَلے جہڑا ٹریا
پیر پیر تے پینٹر پُھلیکے اے ہے عشق دوآرا توں الڑ مٹیار اَیانڑی تیرا روپ کنوارا
نی پھلاں جئے مکھڑے تے کتھے شِکر دوپہر نادانی نی سسیے جاگدی رئیں راہ تک دی نیند نہ مانڑی
نی اُونٹھاں والے ٹُر جانٹر گے
وے عشق اوراں دی کے پچھدے ہو اَتے عشق دِیاں کیا باتاں
رو رو کے دن کڈنے پیندے اَتے جاگ جاگ کے راتاں
او شِکر دوپیراں مٹھیاں زہراں اَتے ویکھ چناں دیاں لہراں
او وَن ساونیاں بری نظامیؔ او پَلے پین سوغاتاں
وچ چنہاں دے سوہنی ڈُب گئی رات کباباں والی تیرے نال وی اِنج نہ ہووے رات شراباں والی
نی ویلا گیا ہتھ نہ آوے توُں ویلا آپ پچھانڑی نی سسیے جاگدی رئیں راہ تکدی نیند نہ مانڑی
نی اُونٹھاں والے ٹُر جانٹر گے
وے جنہوں پچھیا اونے دسیا او پنڈ عشق دی بھاری عشق ولے او پیر ودھاندے مت جنہاں دی ماری
او تو کی جانے بری نظامیؔ عشق دیاں تفسیراں عشق نوں پڑھ پڑھ روندے کی ملاں کی قاری
عشق دِی راہوں کھنجے جہڑے پیندیاں لمبیاں واٹاں
مرن تیکر نہ مگروں لیندیاں عشق دِیاں اِے چاٹاں
نی چھم چھم بدلاں وانگوں کتھے اکھیاں وچ وس پئے نہ پانی
نی سسیے جاگدی رئیں راہ تک دی نیند نہ مانڑی
نی اُونٹھا ں والے ٹُر جانٹر گے
او عشق اوری جدھے پیچھے پیندے اَتے ککھوں کردے ہولا اَج تک کسے دے ہتھ نئیں آیا اور پیار دا واہ وے رولا
او تینوں خبرے خبر نہ ہوئے او سُن لے بری نظامیؔ عشق نئیں سن دا عشق نئیں تکدا عشق اِے گھنگ بول
تُوں اُونٹھاں دِیاں ٹلیاں سُن سُن اُٹھ بہناں کمب کمب کے
ماروں تھل دِیاں تپ دِیاں رِیتاں تھک مرسی ہمب ہمب کے
نی ہر پاسے جھاکے پینڑ گے کتھے یار بریؔ ناں جانڑی
نی سسیے جاگدی رئیں راہ تک دی نیند نہ مانڑی
نی اُونٹھاں والے ٹُر جانٹر گے
