قمیض: قمیض تیڈی کالی نی سوہنڑیں پُھلاں والی
بھانویں وسیں تُوں ولایت اَساں کرنی نی رہت تینوں لے کے جانڑاں اے میانوالی
قمیض تیڈی کالی نی سوہنڑیں پُھلاں والی
زُلفاں: نی زُلفاں چھلے نی کالے کالے چھلے
تینوں تکا پہلی وار لُٹا دِل دا قرار اَساں تیرے پِچھے ہو گئے آں جَھلے
نی زُلفاں چھلے نی کالے کالے چھلے
ٹِکا: نی ٹِکا تینوں سجدا نی متھے اُتے سجدا
تینوں جہناں وی میں تکاں نی رَجدیاں اَکھاں تینوں تکیاں دِل نہیں ہو رَجدا
نی ٹِکا تینوں سجدا نی متھے اُتے سجدا
اَکھ: نی کجلے دی دھاری نی اَکھ تیری دھاری
تیڈی اَکھ دا کجل بنڑ جاندی اے غزل پئے لکھدے نے گیت لکھاری
نی کجلے دی دھاری نی اَکھ تیری دھاری
کلیاں: نی چمبے دیاں کلیاں نی دند تیرے کلیاں
جے تُوں ہک واری ہسیں دِل عاشقاں دا کھسیں بُھل جانڑ او گھر دیاں گلیاں
نی چمبے دیاں کلیاں نی دند تیرے کلیاں
پراندہ: نی لال پراندہ نی بہوں تینوں بھاندا
تیڈے نال نال راہواں تیڈا بن کے پچھانواں دِل ہر ویلے ایہو گل چاہندا
نی لال پراندہ نی بہوں تینوں بھاندا
بوچھنڑ: نی بوچھنڑ کالا نی کِنگریاں والا
ایہو منگاں میں دُعا تیتھوں ہوواں نہ جدا رَب وکھ نہ کرے سانوں شالا
نی بوچھنڑ کالا نی کِنگریاں والا
باہواں: نی گوریاں باہواں نی سوہنڑیاں باہواں
تُوں ایں شمع میں پتنگ تیڈا چھڈ نڑاں نیئں سنگ بھانویں سڑ کے سواہ ہو جانواں
نی گوریاں باہواں نی سوہنڑیاں باہواں
مہندی: نی رنگلی مہندی تُوں لا لئی مہندی
سوہنڑی رج کے تُو سوہنڑی نی تیرے جئی کوئی ہوہنڑیں تینوں تکیاں کلیجے ٹھنڈ پیندی
نی رنگلی مہندی تُوں لا لئی مہندی
پیلاں: تُوں پیلاں پاویں تے ناز وکھاویں
رَب کرے ساڈا میل کدی آ جا عیسی خیل سانوں بہنڑ دِے زُلفاں دی چھانویں
تُوں پیلاں پاویں تے ناز وکھاویں
