عکاس کولکاتہ ۶ مارچ ۲۰۲۲ء

کاسنی سے رَتجگوں سے کھیلنا
‎روشنی کے دائروں سے کھیلنا

‎وقتِ رخصت مُسکرا کے دیکھنا
‎اور اپنے حوصلوں سے کھیلنا

‎ایک دیدارِ محبت کے لئے
‎ڈوبتے کّچے گھڑوں سے کھیلنا

‎زَرد خوشبو سے سُلگتی شام کا
‎سَربرہنہ ڈالیوں سے کھیلنا

‎لڑکیوں کا ساحلوں کی ریت پر
‎جِھلملاتی سیپیوں سے کھیلنا

‎ایک اَن دیکھے سفر کی چاہ میں
‎راستوں کی وحشتوں سے کھیلنا

‎بےاِرادہ توڑ دینا چوڑیاں
‎اور بکھری کرچیوں سے کھیلنا
****