عکاس کولکاتہ ۵ نومبر ۲۰۲۳ء

دشمن نے اب کیا ہے ، نیا وار کس طرف
تیزی سے جا رہے ہیں رضاکار کس طرف
بہتر ہے تو بھی اپنے رویئے پہ غور کر
تو کس طرف کھڑا ہے ، ترے یار کس طرف
پگڈنڈیاں نئی ہیں ، مسافر بھی اجنبی
لے کر چلا ہے قافلہ سالار کس طرف
دادومدار ِ رونق ِ بازار ، اس پہ ہے
اٹھتی ہے اب کے چشم ِ خریدار کس طرف
منظر ہے آخری ، ہوس ِ اقتدار میں
سر کس طرف پڑا ہوا ، دستار کس طرف
اب دیکھتے ہیں موت کے چنگل سے بھاگ کر
جاتا ہے آہوئے صبا رفتار کس طرف
آنگن سلگ رہا ہے غضبناک دھوپ میں
پڑتا ہے جا کے سایہ ٔ دیوار کس طرف
۔۔۔۔۔۔۔۔۔۔۔۔۔۔۔۔۔۔۔۔۔۔