عکاس کولکاتہ ۳۱ دسمبر ۲۰۲۳ء

صحنِ افلاس میں جو پل کے بڑتے ہوتے ہیں
صبر اور ضبط کے ہیروں سے جڑے ہوتے ہیں
منزلیں دور سے کرتی ہیں اشارے اُن کو
عزمِ نو لے کے جو راہوں میں کھڑے ہوتے ہیں
ان میں منصور بھی کچھ ہوتے ہیں سقراط بھی کچھ
یہ جو کچھ لوگ سرِ راہ پڑے ہوتے ہیں
زندگانی کے کسی موڑ پہ مِل جاتے ہیں
عہدِ ماضی میں جو احباب لڑے ہوتے ہیں
مستقل سوچ کہاں ہوتی ہے ہر اِک کی ندیمؔ
ہاں مگر بات پہ جو اپنی اَڑے ہوتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔