عکاس کولکاتہ ۳۰ اپریل ۲۰۲۳ء

اک لفظ بھی نظر نہیں آتا کتاب میں
یہ کیا لکھا ہوا ہے محبت کے باب میں
دنیا کی فکر میں بھلا دیوانی کیا کروں
آتی نہیں یہ چیز تو میرے حساب میں
اب چاندنی سے کوئی گلہ ہی نہیں رہا
چہرہ نظر جو آیا تِرا ماہتاب میں
خط کے جواب نے مجھے حیران کر دیا
اب سوچتی ہوں کیا لکھوں تجھ کو جواب میں
تتلی کو دیکھ اس کو پکڑنے کی جستجو
ہوتا سبھی کے ساتھ ہے دَورِ شباب میں
احوال دل کا دل کے سوا کون جانتا
گزری جو ہم پہ وہ نہ لکھی تھی نصاب میں
توڑا تھا پھول شاخ سے تیرے خیال میں
محفوظ اس کو کر لیا دل کی کتاب میں
۔۔۔۔۔۔۔۔۔۔۔۔۔۔۔۔۔۔۔۔۔