عکاس کولکاتہ ۳ ستمبر ۲۰۲۳ء

اْداس رْت میں محبت کا اِستعارا ہے
جو نرم لہجے میں اْس نے ہمیں پْکارا ہے
مرا وجود ترے لمس کا ہے شیدائی
تڑپ اْٹھا جو اِسے چاک سے اْتارا ہے
تمھاری یاد سے روشن ہے کہکشاں دل کی
تمھارا خواب ہی جینے کا اِک سہارا ہے
بھنور سے باندھ کے ہم کو اکیلا چھوڑ دیا
تو کیسے دیکھیں پلٹ کر کہاں کنارا ہے
یہ بات صرف تجھے دیکھنے تلک ہی نہیں
نظر سے ہم نے تجھے روح میں اْتارا ہے
سکوں تمھارا مقدر تمھیں مبارک ہو
اذیتوں کا تسلسل فقط ہمارا ہے
جو دیکھیے تو بہت کچھ ہے دسترس میں یہاں
جو سوچئے تو سکھی زندگی خسارا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔