عکاس کولکاتہ ۲۸ جنوری ۲۰۲۴ء

ایک ہی شخص تھا دل سے جاتا نہیں
اب کوئی خواب آنکھوں میں آتا نہیں
اس لیے میں کسی سے نہیں روٹھتی
روٹھ جاؤں تو کوئی مناتا نہیں
وقت کہتے ہیں سب کچھ بھلا دیتا ہے
ایک تو ہے کہ تجھ کو بھلاتا نہیں
طاق خالی ہیں گھر کے کئی، عمر سے
کوئی پنچھی یہاں گھر بناتا نہیں
ہجر دیوار ہے سب بنا لیتے ہیں
وصل کا پُل کوئی بھی بناتا نہیں
جیسے تو نے مٹایا مجھے عندلیبؔ
ایسے لکھ کر تو کوئی مٹاتا نہیں
۔۔۔۔۔۔۔۔۔۔۔۔۔۔۔۔