عکاس کولکاتہ ۲۶ نومبر ۲۰۲۳ء

شام تجھ پرہزار شعر کہوں
دل کو پھربھی قرار آتا نہیں
یہ ترا حسن یہ حلیمی تری
تیری خاموشیاں یہ معنی خیز
دن سمیٹے تو اپنے آنچل میں
کیسے پل پل بکھیردیتی ہے رنگ
اور اندھیرے میں ڈوب جانے کو
تیرا کچھ ہی گھڑی کا نرم وجود
خوشبوویں گھوللتا فضائوں میں
دوش پر یوں اڑے ہوائوں کے
جیسے تجھ کو سوائے الفت کے
اور کچھ بھی نہیں سجھا ئی دے
کس قدر پرسکون لگتے ہیں
آکے تیری پناہ میں یہ شجر
سر بلند ی یہ کوہساروں کی
ہوئی واضح شفق میں تیرے سبب
ہوگئے نغمہ ریزسب طائر
جانے کب میں بھی گنگنانے لگی
۔۔۔۔۔۔۔۔۔۔۔۔۔۔۔۔۔۔۔