عکاس کولکاتہ ۲۶ مارچ ۲۰۲۳ء

اس محبت نے طرفدار بنائے رکھا
میرے دشمن تجھے بھی یار بنائے رکھا
ہم کوئی کام بھلا ڈھنگ سے کیسے کرتے
تیری یادوں نے جو بے کار بنائے رکھا
ظرف معلوم تھا اس تنگ ہوا کا مجھ کو
اس لئے گھر پسِ دیوار بنائے رکھا
اس نے ہر بار کی کوشش اسے توڑا جائے
دل مگر ہم نے لگاتار بنائے رکھا
کتنوں کو عکس دکھایا نہیں آئینہ نے
کتنے چہروں کو اداکار بنائے رکھا
فخرؔ اعزاز ہے کہ اس نے ہمارے دل کو
اپنی آنکھوں کا طلب گار بنائے رکھا
۔۔۔۔۔۔۔۔۔۔۔۔۔۔۔۔۔۔۔۔۔۔