عکاس کولکاتہ ۲۵ جون ۲۰۲۳ء

حسرت ہے بہت دشت دل زار بسا لیں
اے پھول بدن! کیوں نا تجھے اپنا بنا لیں
اے کاش! میسر ہو کبھی وصل کا موسم
خوشبو ترے پیکر کی رگ و پے میں بسا لیں
یہ حسن، یہ انداز کہیں مار نہ ڈالے
کس طرح بتا اب دل بیتاب سنبھالیں
اک کاشں! برس جائے ترے حسن کی بارش
آتش دل سوزاں کی کبھی ہم بھی بجھا لیں
پھر کب ہو خدا جانے ملاقات ہماری
کچھ دیر ذرا لان میں گپ شپ ہی لگا لیں
بہلائیں گے دل کو تری یادوں کے سہارے
اے دوست! ٹھہر جا کوئی سیلفی ہی بنا لیں
ہو جائے اگر جام مئے وصل میسر
کچھ لمحے مسرت کے کبھی ہم بھی چرا لیں
اے پیکر گل، شوخ ادا، جان تمنا
حسرت ہے فقط دل کی تجھے اپنا بنا لیں
اے دوست! جدائی کی گھڑی سر پہ کھڑی ہے
اک بار تجھے کیوں نا گلے پھر سے لگا لیں
اک حسن مجسم سے ہمیں پیار بہت ہے
اک بار اگر روٹھے تو سو بار منا لیں
۔۔۔۔۔۔۔۔۔۔۔۔۔۔۔۔۔۔۔۔