عکاس کولکاتہ ۲۵ جون ۲۰۲۳ء

ماہ تھا۔۔ مہ جبیں نہیں تھا میں
اْس سے بڑھ کر حسیں نہیں تھا میں
سب نے دیکھا فلک کے پار مجھے
اور نزدیک بِیں نہیں تھا میں
وائے حسرت کہ میں جہاں کا تھا
حیف ہے بس وہیں نہیں تھا میں
ہائے نکلا نہیں یہاں سے کوئی
ہائے کیا آستیں نہیں تھا میں
مجھ کو زیرِ زمیں وہ رکھ آئے
اور زیرِ زمیں نہیں تھا میں
میں نے خود کو بھی توڑ کر دیکھا
اپنے اندر کہیں نہیں تھا میں
آپ نے مجھ میں جو مجھے دیکھا
نہیں صاحب نہیں ، نہیں تھا میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔