عکاس کولکاتہ ۲۱ مئی ۲۰۲۳ء

بولنا اس لئے روا ہوا تھا
اس کی آنکھوں نے عندیہ دیا تھا
گفتگو آئے گی نہ بیچ میں اب
خامشی نے یہ فیصلہ کیا تھا
دل سے کیا مشورہ بھلا کرتے
ہم نے آنکھوں سے عندیہ لیا تھا
مار ڑالا تھا جس گھٹن نے ہمیں
اس گھٹن نے اسے بچا لیا تھا
ہم پیئں گے نہ زہر، وعدہ تھا
اس لیے ہم نے زہر کھا لیا تھا
دکھ دیے تھے دلوں کی تنگی نے
اس لئے ہم نے دل بڑا کیا تھا
صرف ہم ہی نہ تھے اسیر جبر
اس نے بھی اپنا جی کڑا کیا تھا
۔۔۔۔۔۔۔۔۔۔۔۔۔۔۔۔۔۔۔۔۔۔