عکاس کولکاتہ ۲۱ جنوری ۲۰۲۴ء

باجرہ کا کھیت
ایک چھوٹے سے گاؤں کے لوگ خوابوں کی دنیا میں جی رہے تھے اور جادوئی کہانیوں کے طلسم میں گرفتار تھے۔ ان کے خیالات سے ان کوخوشیاں ملتی تھیں . وہ ہر چیز کو خوابوں میں دیکھنے اور انہیں حقیقی سمجھنے کے عادی ہو چکے تھے۔ ایک دن ان کی خوابوں کی دنیا میں ایک جادوئی پھول کھلا اور کہنے لگا : "میں آپ لوگوں کی خواہش پوری کروں گا، لیکن صرف ایک بار!"
لوگوں نے اپنے تمام خواب پورے کرنے کی خواہش کی. آناً فاناً ان کے لئے ایک نئی دنیا کا سورج طلوع ہوا جہاں خواب حقیقت بن جاتے تھے۔ وہ دنیا ان کے اپنے گاؤں کے باجرہ کے کھیتوں کی تھی...!!
آئینۂ باطن کا سوال!
ایک آئینہ ساز تھا لیکن بڑا گھمنڈی…!اس کے بنائے ہوئے آئینے لوگوں کے باطن کو بھی ظاہر کرتے تھے. ایک دفعہ ایک آئینہ باطن شخص کا گزر اس کی دکان کے سامنے سے ہوا. اسے آئینہ کی خوبی جان کر بہت حیرت ہوئی. اس نے آئینہ ساز سے درخواست کی کہ اس کوصرف اپنی صورت ہی دیکھنی ہے، بس ایک لمحہ درکار ہے. آئینہ دیکھنے کی اجازت ملے تو میرا ظاہر میرے باطن سے ملے...! " تو اس نخوت فروش آئینہ ساز نے تن کر کہا :" چلے جا یہاں سے، تجھے معلوم نہیں...؟ یہ آئینہ حَلبی ہے. چھالے پالتا نہیں!!" تب اس آئینہ پوش صورت نے ایک نظر اس پر ڈالی اور جلال میں آکر گویا ہوا :"تیرا کوچہ آئینہ بند ضرور ہے مگر تیرا آئینہ خانہ مجھے آئینہ دکھاتا نہیں...! "
۔۔۔۔۔۔۔۔۔۔۔۔۔۔۔۔