عکاس کولکاتہ ۱۹ نومبر ۲۰۲۳ء

سخن کی جستجو تم ہو غزل کا بانکپن تم ہو
مری محفل بھی تم ہی تم ہو میری انجمن تم ہو
نہ میرا دل رہا میرا ،نہ میری روح میری ہے
مرے مختار ومالک تو بس اب اے جانِ من تم ہو
تمہاری سلطنت ہے یہ تخیل کی حسیں دنیا
میں اک ادنیٰ سی باندی ہوں شہنشاہِ سخن تم ہو
تمہی ہو مہرِ عالم تاب ؛ تم ہی ماہِ کامل ہو
تمہی خوشبو ہو اے ہمدم مرے برگ وسمن تم ہو
تمہیں کس کا جنوں ہے اِس سے کچھ مطلب نہیں مجھ کو
مجھے اتنا پتہ ہے بس مرا دیوانہ پن تم ہو
یہی سچ ہے کہ نمجہ کی اندھیری زندگانی میں
حیات افزا سی اک امید کی روشن کرن تم ہو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔