عکاس کولکاتہ ۱۹ نومبر ۲۰۲۳ء

حادثوں کو دیکھ کر ڈر گئی ہے زندگی
سانس چل رہی ہے پر مر گئی ہے زندگی
ڈھونڈنے سے بھی مجھے مل نہیں رہی کہیں
سوچتا ہوں آج میں کدھر گئی ہے زندگی
زندگی کے واسطے آ گیا تھا بس یہاں
دیکھ کر مجھے یہاں مکر گئی ہے زندگی
وہ ملا دیا مجھے جس کی آرزو تھی بس
میرے سارے زخم آج بھر گئی ہے زندگی
اب ترے بغیر بھی آگیا قرار یار
اب ترے بغیر بھی گزر گئی ہے زندگی
مر گیا ہوں میں کسی کی یاد میں پڑا پڑا
خاک میں مری سہیلؔ اتر گئی ہے زندگی
۔۔۔۔۔۔۔۔۔۔۔۔۔۔۔۔۔۔۔۔۔