عکاس کولکاتہ ۱۹ جون ۲۰۲۲ء

جس کو کہتے تھے خدا اس کو خدا سمجھا نہیں
ہم نے اپنی زندگی کا مدعا سمجھا نہیں
کب سے فصلیں کاٹ کر پھرخواہشیںبوتے رہے
جانکنی کے وقت کو وقت ِ قضا سمجھا نہیں
کس قدر دُشنام و الزامات کی بوچھاڑ تھی
دل نِگارِ دہر کے ناز و ادا سمجھا نہیں
کیا کہیں جس پرفدا ہم جان و دل کرتے رہے
اس نے بھی شاید ہمیں کچھ با وفا سمجھا نہیں
ڈوب کر بحر معا صی میں نکلنے کی تڑپ
تھی فقط یہ اِبتدا یا اِنتہا سمجھا نہیں
عمر بھر مانگا کئے تھے کچھ دعائیں رات دن
جب کھلا بابِ دعا وقتِ دعا سمجھا نہیں
رَہروِ راہِ وفا صاؔدق تھا غم سے آشنا
پر زمانہ درد میں ڈوبی نوا سمجھا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔