عکاس کولکاتہ ۱۹ فروری ۲۰۲۳ء

نئے اصول کے پیش ِنظر بھی آتا ہے
تجاوزات کے زمرے میں سر بھی آتا ہے
یہ روشنی ہے ، دھندلکا ہے یا اندھیرا ہے
دکھائی کچھ نہیں دیتا ، نظر بھی آتا ہے
میں دیکھتا ہوں کہ سورج بجھا رہا ہے کوئی
مگر یہ خواب تو وقت ِ سحر بھی آتا ہے
یہاں پہ صرف ترے ہی نیازمند نہیں
ہجوم ِ خلق مرے نام پر بھی آتا ہے
سو خوں بہا کے ئے اس طرف سے چلتے پیں
کہ اس گلی سے ہی قاتل کا گھر بھی آتا ہے
سبھی کو چشم ِ خبردار سے نہ دیکھا کر
کہ تیرے پاس کوئی بے خبر بھی آتا ہے
کہ صرف دیکھتے رہنا کوئی کمال نہیں
یہ آنکھ ہے تو اسے کچھ ہنر بھی آتا ہے
بہت دنوں سے کوئی رابطہ نہیں نجمیؔ
کہ وہ بتا کے نہیں ، پوچھ کر بھی آتا ہے
۔۔۔۔۔۔۔۔۔۔۔۔۔۔۔۔۔۔۔۔