عکاس کولکاتہ ۱۷ ستمبر ۲۰۲۳ء

پھیلے ہوئے کراں تا کراں وارداتیے
جو کچھ جہاں غلط ہے وہاں وارداتیے
رکھتے ہر ایک چیز نشانے پہ ہیں مگر
رکھتے نہیں ہیں کوئی نشاں وارداتیے
مر مر کے جی رہے ہیں کہ سانسوں میں بھر گئے
بارود کا کسیلا دھواں ،وارداتیے
کچھ نوجواں محلے کے غائب ہیں کل سے سُن!
آئے تھے کل سنا ہے میاں وارداتیے
یارب قلم وہ دے کہ جو لکھ پائے بر ملا
کم ذاتیے فلاں ہیں،فلاں وارداتیے
پس منظرِ غزل بھی ہے اک حسنِ واردات
ورنہ کہاں میں اور کہاں وارداتیے
۔۔۔۔۔۔۔۔۔۔۔۔۔۔۔۔۔۔۔۔۔۔۔