عکاس کولکاتہ ۱۶ جولائی ۲۰۲۳ء

تو کہاں واقفِ حالِ دلِ سودائی ہے
مسکراہٹ تیرے آنے سے پلٹ آئی ہے
اب تو بس درد کی راہوں سے شناسائی ہے
جانے کیسی چلی اس شہر میں پُروائی ہے
ہم اکیلے ہی نہیں چاہنے والے اس کے
یہ زمانہ بھی اسی شخص کا شیدائی ہے
اک جھلک اس کی جو دیکھی تو دمِ آخر سے
زندگی موت کے ہاتھوں سے پلٹ آئی ہے
اے مِری روح میں اترے ہوئے میرے ساحر
زندگی تجھ سے فقط تیری تمنائی ہے
تیرے چھونے سے ہی مل جاتی شفا زخموں کو
لمس میں تیرے مِری جان مسیحائی ہے
گل چٹک کر تیرے ہونے کا پتہ دیتے ہیں
تیرے سانسوں کی مہک بادِ صبا لائی ہے
یہ گماں کب تھا کہ اس طرح بچھڑنا ہوگا
بات جو ہجر تلک آئی تو کیوں آئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔