عکاس کولکاتہ ۱۴ مئی ۲۰۲۳ء

ہم اسی شہر میں رہنے کو مکاں ڈھونڈتے ہیں
بے گھروں کو درودیوار جہاں ڈھونڈتے ہیں
ڈوبنے والے نہیں ملتے اسی پانی میں
ہم جہاں کھوئے تھے کیوں آپ وہاں ڈھونڈتے ہیں
ہم جنہیں معرکہء عشق میں کھو بیٹھے تھے
بتکدے میں وہی شمشیروسناں ڈھونڈتے ہیں
ہم بھی کیا سادہ ہیں بیچ آئے تھے بن مول جہاں
اسی بازار میں جا کر دل وجاں ڈھونڈتے ہیں
کوئی الزام دھرو یا کوئی احسان کرو
ہم سبک سر ہیں کوئی بارِگراں ڈھونڈتے ہیں
ڈوب جانا تو میسّر تھا سرابوں میں ہمیں
ڈوب جانے کو مگر آبِ رواں ڈھونڈتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔