عکاس کولکاتہ ۱۴ جنوری ۲۰۲۴ء

تو یوں ہوا ہے
کہ سب کو اپنے نفس کی قیمت چکانی ہو گی
نڈھال نظریں تلاش کرتی ہیں تاجروں کو
جو مول اس کے بڑھا رہے ہیں
گمان کے جنگلوں میں لاکھوں شکستہ پیکر
سب اپنی سانسوں کی جستجو میں بھٹک رہے ہیں
کہ صف بہ صف یہ صدا لگاتے ہیں
جن کے کشکول منتظر ہیں
کہ اپنی سانسوں کے چند قطروں کو پائیں
جاں کی جھلستی مٹی پہ برسیں بوندیں
اداس سورج؍جو سر جھکائے چلا گیا تھا
وہ رستہ بھولا ہے واپسی کا
لباس پہنے ہوئے ہیںدن کا گھنیری راتیں
فضا کی نبضیں رکی رکی ہیں
چراغوں کی دھڑکنیں بجھی ہیں
یہ کیسا گاڑھا دھواں اُٹھا ہے؟
۔۔۔۔۔۔۔۔۔۔۔۔۔۔۔۔۔۔۔۔