عکاس کولکاتہ ۱۲ نومبر ۲۰۲۳ء

نہ جانے کون ہیں جن کو وفائیں راس آتی ہیں
کہ ہم سوکھے درختوں کو خزائیں راس آتی ہیں
شفا بھی دور ہو جائے دوا کی دسترس سے جب
تو ایسے وقت میں سب کی دعائیں کام آتی ہیں
یہ تیرے قید کے پنچھی رہائی بھول بیٹھے ہیں
انہیں تیری عطا کردہ سزائیں راس آتی ہیں
اٹھا طوفان کوئی بجھ نہیں پائے گا پھونکوں سے
کہ ہم جلتے چراغوں کو ہوائیں راس آتی ہیں
نبھانا کام ہے تیرا ، سو تم کرتی رہو تسکیںؔ
ہے جن کا مشغلہ ان کو جفائیں راس آتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔