عکاس کولکاتہ ۱۲ فروری ۲۰۲۳ء

آئینہ خانہء غم میں جو یہ غم ٹْوٹے ہیں
مرحلہ وار مِرے دِل پہ ستم ٹْوٹے ہیں
تیری چاہت کی طلب دِل میں بسائی اور پھر
شہرِ خْوش فہم میں ہم لے کے بھرم ٹْوٹے ہیں
دیکھ ہم ہاتھ کٹا کر بھی ہیں شاداں شاداں
تیرے ہاتھوں سے تو نادیدہ عَلم ٹْوٹے ہیں
مجھ کو یہ فخر سلامت ہیں اْڑانیں میری
اْس کو یہ زْعم مِرے تِیر تو کم ٹْوٹے ہیں
یہ محبت کا کرشمہ ہے سرِ راہِ اَلم
وہ بھی ٹْوٹا ہے وہیں پر جہاں ہم ٹْوٹے ہیں
ایک میرا ہی قلم تو نہیں ٹْوٹا یارو !
اْس کی تعریف میں دْنیا کے قلم ٹْوٹے ہیں
دشتِ تنہائی کی ویرانی میں چلتے چلتے
راہ دْشوار ہے اِتنی کہ قدم ٹْوٹے ہیں
رات کے پچھلے پہر گوشہء-04 تنہائی میں
خواب آنکھوں میں لیے دِیدہء-04 نم ٹْوٹے ہیں
دیکھ قائل کہیں ہو جائیں نہ ریزہ ریزہ
ہم تو پہلے بھی ، تِرے سر کی قسم، ٹْوٹے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔