عکاس کولکاتہ ۱۰ اپریل ۲۰۲۲ء

کہا ہر دم زمیں کی گود کیوں بے چین رہتی ہے
جواب آیا کہ ماں اولاد کے دُکھ دل پہ سہتی ہے
کہا ممتا کے دم سے ہی زمانے میں اُجالا ہے
جواب آیا کہ یہ ہستی ہمارے دل میں رہتی ہے
کہا سوتے محبت کے کبھی سوکھے نہیں دیکھے
جواب آیا یہ وہ ندّی ہے جو ہر وقت بہتی ہے
کہا جب ماں بچھڑ جائے تو کس دنیا میں جاتی ہے
جواب آیا کبھی کرنوں ، کبھی تاروں میں رہتی ہے
کہا جذبات کی لہروں کو دل میں کس طرح دیکھوں
جواب آیا کہ ممتا ہر سمندر میں جو رہتی ہے
۔۔۔۔۔۔۔۔۔۔