عکاس کولکاتہ ۹ جولائی ۲۰۲۳ء

اس نے جو بھی دیا ،اس نے جیسا دیا ،اس نے جتنا دیا ،صبر اس پر کیا،شکر اس پر کیا،اس کے آگے جھکا،اس کو سجدہ کیا ،جب بھی تنہا ہوا،یاد اس کو کیا،اور سوچا کیا ،کون تھا میں کہاں کا تھا دانا نذیر ،اس کے فضل و کرم سے ملا،علم وفن بے نظیر ،حرف کی روشنی ،لفظ کی چاندنی،اور بے پایاں تخلیق کی خوبیاں ،اس کے بندوں کی جانب سے محبوبیاں،شہرتیں،عزتیں،مسندیں،مرتبیں،سر بلندی ملی،سو کتابوں سے زائد کا تحفہ ملا،بزم احباب میں نام روشن ہوا،ایک ذرہ تھا،اس کو منور کیا،کتنے انعام واعزازات کی گھر میں بارش ہوئی ،یہ کتابیں ،رسالے،یہ ترسیل وابلاغ کے سلسلے ،بخش کر ایک گمنام کا نام روشن کیا --شکریہ ،شکریہ،شکریہ،شکریہ،
۔۔۔۔۔۔۔۔۔۔۔۔۔۔۔۔۔۔۔۔۔۔۔