عکاس کولکاتہ ۷ مئی ۲۰۲۳ء

یُوں اُترتا ہے مِرے خواب میں تعبیر کا عکس
جیسے ٹُوٹے ہُوئے آئینے میں تصویر کا عکس
کانپ اُٹھتا ہے ذرا تیز ہَوا چلنے پر
یہ جو اِک عکس ہے سینے میں تِرے تیر کا عکس
داغ کی مِثل ہے تقدیر کے آئینے پر
عرصہء وصل میں اِک لمحہء دِلگیر کا عکس
جم گیا لمس ہتھیلی پہ کسی دستک کا
رِہ گیا ذہن میں انصاف کی زنجیر کا عکس
سیکڑوں بار تغیر سے میں گزرا لیکن
مجھ میں تازہ ہے ابھی خنجر و شمشیر کا عکس
جا گزیں دِل میں تِری یاد ہے قائلؔ ایسے
بند کمرے میں ہو جیسے کسی تنویر کا عکس
۔۔۔۔۔۔۔۔۔۔۔۔۔۔۔۔۔۔۔۔۔۔۔