عکاس کولکاتہ ۴ جون ۲۰۲۳ء

ستاروں کو سجایا جا رہا ہے
مگر سورج بجھایا جا رہا ہے
ہمیں کچھ اجنبی لوگوں کی خاطر
نشستوں سے اٹھایا جا رہا ہے
نئی گنتی سکھائی جا رہی ہے
ہمیں گن گن کے لایا جا رہا ہے
عجب ترتیب سے بیٹھے ہوئے ہیں
سو باری پر بلایا جا رہا ہے
بس اک عہد ِوفا کے توڑنے پر
گناہوں کو مٹایا جا رہا ہے
کسی کے حکم پر قومی ترانہ
بہت ہل ہل کے گایا جا رہا ہے
شکست ِفاش ہونے جا رہی ہے
جو آپس میں لڑایا جا رہا ہے
۔۔۔۔۔۔۔۔۔۔۔۔۔۔۔۔۔۔۔