عکاس کولکاتہ یکم اکتوبر ۲۰۲۳ء

پھول تازہ ہیں، کتابوں میں مہک باقی ہے
دل کے زخموں میں ابھی تھوڑی کسک باقی ہے
اُس نے پوچھا ہے مِرے شہر کے موسم کا مزاج
تیری خوشبو ہی یہاں آج تلک باقی ہے
ہم مسافر ہیں ہمیں راہ میں ہی رہنے دو
شام اتری ہے ستاروں میں چمک باقی ہے
عین ممکن ہے ترے خواب سجا کر رکھ لوں
سانس بھی جاری ہے آنکھوں میں چمک باقی ہے
رنگ ہی رنگ ہیں اب حدِ نظرتک سیمیؔ
ساتھ دے گی،سرِ افلاک دھنک باقی ہے
۔۔۔۔۔۔۔۔۔۔۔۔۔۔۔۔۔۔۔۔۔۔