اللہ ہو اللہ ہو ہر شے فانی رہنا تُو
ہر وچ وَسدی ذات اِے تیری جِس پاسے ویکھاں توں ہی تُو
توں چاویں تے سوھیناں رَبا بدل دیویں تقدیراں
اپنے سوھنے محبوب دے صدقے معاف کریں تقسیراں
تُوں معبود موجو د کا ہا ویں جلوے نے تیرے ہر سو
دولت پیچھے لگی دُنیا بُھل گئی چنگا مندا
خورے کی کی پاپ کماوئے پیسے لیے اِے بندا
لالچ دے اِس جال وچ پھنس گی اَج اِنسان دی روح
جیٹرے پاسے چاتی ماراں تیرا نور نمایا
ساہ بن کے کلبوت دے اَندر ر َبا توں ہیں سمایا
پُھلاں دے وچ رنگ نے تیرے کلیاں وچ تیری خوشبو
خون دے وچ سفیدی آ گئی مُکی رشتہ داری
اپنا نوں اَج اَپنے لُٹ کے جاندے مار اُڈاری
ویر ویراں نوں یوسف وانگوں سُٹ دیندے جا کے وچ کھوہ
