اِے دُنیا پیار دِی خاطر اِے اِیتھے پیار دِے چرچے عام کرو
ہر صبح پیار دِے ناں کر دیو ہر شام کوں پیار دی شام کرو
دُنیا تے پیار دِیاں تسیاں نوں نِت حاضر پیار دِے جام کرو
عاجز ہُن پیار دِی وستی وِچ نفرت دِی جنگ ناکام کرو
عرشاں تے جا دُوہاں دِی تقدیر بنی دِل رَانجھن دَا تے مالک جٹی ہیر بنی
پیار دَا بوٹا عرشاں تے رَب لایا سی پیار دی اے وی مٹھری تاں تاسیر بنی
دِل رَانجھن دَا تے مالک جٹی ہیر بنی
سُفنہ سُفنہ اَکھیاں دِے وِچ سانبھیا اِے فیر کہ تھے جا کے تیری تصویر بنی
دِل رَانجھن دَا تے مالک جٹی ہیر بنی
کھوہ تے پانی بھردیاں اَکھیاں ملیاں سَن گل کرن دی اَج تک نہیں تد بیر بنی
دِل رَانجھن دَا تے مالک جٹی ہیر بنی
سوچیا سی جے تیرے پنڈ وچوں ٹر جائیے تیڈا ہس کے ویکھن دِل لئی دِھیر بنی
دِل رَانجھن دَا تے مالک جٹی ہیر بنی
کرنا کی اِے عاجزؔ محل مَناراں نوں پیار کسے دَا ساہڈی تے جاگیر بنی
دِل رَانجھن دَا تے مالک جٹی ہیر بنی
