ہر پاسے نفرت عام تھئی دلدار نہ رے نالے پیار نہ رے
چنگے وقت نہ رے چنگے لوگ نہ رے او وسدے پیار دے شہر نہ رے
او رنگ نہ رے او سنگ نہ رے ہتھاں وچ پیار دے ہار نہ رے
او چِکھ نہ رہی او سکھ نہ رہی او دل دے عاجز تار نہ رے
راوی دا کنڈا ہووے توں ہوویں میں ہوواں پانڑی وی ٹھنڈا ہووے توں میں ہوواں
کجھ گلاں توں کریں کجھ گلاں میں کراں رل کے منایئے اک شام
سانجھیاں محبتاں دا چڑیا سراب ہووے گھاٹیاں تے نفیاں دا کوئی نہ حساب ہووے
میری گل تیری ہووے تیری گل میری ہووے کجھ تیری میں منھاں کجھ میری توں منھیں
جگ توں لوکایئے اک شام راوی دا کنڈا ہووے توں ہوویں میں ہوواں
ڈونگا ڈونگا پانڑیں ہووے کاغذاں دی بیڑی ہووے وچ تصویر تیری پھلاں نال لویڑی ہووے
تیرے توں میں کھوواں میرے توں تو کھوویں پیار نال توں لڑیں پیار نال میں لڑاں
ایہو جئی سجایئے اک شام راوی دا کنڈا ہووے توں ہوویں میں ہوواں
اک ماہیا میں کہواں اک دوھڑا توں کہیویں چوندے چوندے مصراں اچ میڈا ناں توں لاویں
دل میرا ساز ہووے تیڈی آواز ہووے میرا سوال ہووے تیرا جواب ہووے
عاجز وسایئے اک شام راوی دا کنڈا ہووے توں ہوویں میں ہوواں
