رَکھ بریکاں اُتے پیر وے ڈرائیور ا گڈی ہولے ہولے ٹور وے
جانڑ دی ہاں میں ٹائم تے چلنڑا تیڈی ہے مجبوری
لیکن میں وی ماھیئے دے نال کرنی ہے گال ضروری
کاہ لا نہ پوہ ذرا ٹھہر وے ڈرائیورا گڈی ہولے ہولے ٹور وے
کچیاں پکیاں سڑکاں ہن تے جمپ لگدن بہوں ڈاھڈے
خستہ وی نئیں لونڑاں سونڑاں میڈے چن شہزادے
ٹپی آں آرام نالے نہر وے ڈرائیورا گڈی ہولے ہولے ٹور وے
شام دَا وعدہ کر کے پکیاں قسماں چیندا اِے جانی
رَب جانڑے کہڑے شوق دِی خاطر کلڑا وِیندا اِ ے جانی
پہلی واری اَج شہر وے ڈرائیورا گڈی ہولے ہولے ٹور وے
گلاں میڈیاں سنڑ کے تے توں پا متھڑے تے وٹ نئیں
بس تیڈی بہوں سوہنڑی سائیں عاجزؔ دا یار وہ گھٹ نئیں
ڈوھاں دی ہووے شالا خیر وے ڈرائیور ا گڈی ہولے ہولے ٹور وے
