افضل عاجز کی شاعری

بھل جاویں نہ جھلئے نادانے کسے دا اعتبار نہ کریں
ہائے تے بھل کے وی پیار نہ کریں

ایتھے کسے تے نہ کریں اعتبار نی لوکی کردے نیں جھوٹی موٹھی پیار نی
لکھاں ہوون گے تیرے دیوانے کسے دا اعتبار نہ کریں

اے جھمکے تے کناں دیاں والیاں تیتھوں جاندیاں نئیں سوہنڑیاں سنھبالیاں
کر قابو وچ نین مستانے کس دا اعتبار نہ کریں

ونگ ہک نہ راہوے گی تیری بانہہ تے ہتھ راہوے گا ہمیشہ تیرا ہاں تے
گھر گھر وچ ہونڑ گے فسانے کسے دا اعتبار نہ کریں

بڑے آندے نیں جوانی وچ خواب نی مکھ دسدے نئیں کئی ماہتاب نی
کج انجانے کج پیمانے کسے دا اعتبار نہ کریں

میں وی ویکھیا سی کدے ہک خواب نی پورا ہویا جدہا اَج تائیں حساب نئیں
چھڈاں شہر تے مَل لے ویرانے کسے دا اعتبار نہ کریں