کہڑی تیڈی دُھپ تے چھاں وے کہٹری تیری یاری
بس وِے ڈھول بازاری بس وِے ڈھول بازاری
رانجھا تے مہینوال نہ بنڑیوں دُکھ بنڑیوں دُکھ ٹال نہ بنڑیوں
درداں دا بھائیوال نہ بنڑیوں واہ تئیں اَٹکل ماری
بس وِے ڈھول بازاری بس وِے ڈھول بازاری
پاویں سو سو ویس وٹا گھن جتنی آں منتاں ترلے پا گھن
پٹھیاں سینگاں کڈھ تے بھاویں کجلے دی چھک دھاری
بس وِے ڈھول بازاری بس وِے ڈھول بازاری
پیار پریت دے جذبے سُچے سوچاں توں اِے معاملے اُچے
گند کھڈاون لوفر لُچے کیا شہری کیا بھاہ ری
بس وِے ڈھول بازاری بس وِے ڈھول بازاری
پیار تیڈے وچ میں کی کٹیھا خیس قبیلہ ما ں پئیو سٹیا
تئیں مئیکوں گھر بھاروں پٹیا ہر شے بیٹھی ہاری
بس وِے ڈھول بازاری بس وِے ڈھول بازاری
آخر آن میں مسئلہ کھولا اے پُکھ تے رج دا سارا رولا اِے
تیڈا بنگلہ ساڈا کھولا اے توں جتیوں میں ہاری
بس وِے ڈھول بازاری بس وِے ڈھول بازاری
بھاویں گلے شکوے لکھاں د ل کُوں اَج وی تینڈیاں چِکھاں
شالا عاجزؔ پون نہ وِتھہاں ہر شے گھولے واری
بس وِے ڈھول بازاری بس وِے ڈھول بازاری
