حیران ہاں تیڈیاں چالاں تے تیڈے ڈنگھ تبدیل روزانہ
ملیں چہرے روز وٹا ساکوں کریں رنگ تبدیل روزانہ
تیڈی نازک پتلی وینی تے ہوندی ونگ تبدیل روزانہ
اساں صابرؔ قسمیں تیڈے رہئے ہو تیڈے سنگ تبدیل روزانہ
وے اللہ کرے نت پیا آوئے وئے مولا کرے نت پئیا آوئے
تے کوئی وے نہ ہٹکے ہٹکے
وے ساڈی گلی لگندا اے ڈھولا وے بن بن لاچے پٹکے
میں سجیاں دھوتیاں قندوریاں تے تئیں کن کگیاں میں چُوریاں
میں شکراں کٹیاں وے ڈھولا وے سارے کم سٹ کے سٹ کے
وے ساڈی گلی لگندا اے ڈھولا وے بن بن لاچے پٹکے
کہیں دا دل کیوں اے کپی دا تے ساڑا کیوں اے تیندا
وے ساڈی دل ٹھردی راہندی او ٹرے جڈڈاں مٹکے مٹکے
وے ساڈی گلی لنگدا اے ڈھولا وے بن بن لاچے پٹکے
بوہے توں چِک چاہ چاہ کے ڈیکھاں تے نالے بوہے باہ باہ کے ڈیکھاں
وے سوہناں تیڈا جھاکا پووے تڈاں وی بوہا کھٹکے
وے ساڈی گلی لگندا اے ڈھولا وے بن بن لاچے پٹکے
میں اَج وی تیڈی شاہیناں میں مندری توں ہیں نگینہ
وے ڈوجھا ساہ وی نہ آوے جہڑے ڈیں دِل بھٹکے
وے ساڈی گلی لگندا اے ڈھولا وے بن بن لاچے پٹکے
