(Last Updated On: )
زلف والیل قلم دی تے قلمدان دی روح
آپ دی نعت ہے کونین دے دیوان دی روح
حور، غلمان، فرشتے تے ہے انسان دی روح
آپ دا عشق مِرے دین تے ایمان دی روح
آپ دی انگلی پکڑ کُن دی کہانی ٹردی
آپ دا ذکر بنے مضمون تے عنوان دی روح
آپ دی عمر دی سرکار قسم دسدی اے
جان سکدا نہ کوئی آپ دی اک شان دی روح
نعت چھیڑاں تے کرے روح وی اللہ اللہ
ناں کرے ورد، کی ایہ ہے کسے انجان دی روح
کھڑ پَوَن سانجھ دے پھل پاک وطن وچ آقا
چیک واواں دی نہ کھِچ لے کِتے گلدان دی روح
ویکھ اعجازؔ نظر ویکھ نمانی امت
ہے پریشان بڑی ایس پریشان دی روح
