زرخیز ہے زمین بھی برسات بھی ہے ٹھیک

زرخیز ہے زمین بھی برسات بھی ہے ٹھیک
موسم بدل بھی سکتا ہے،یہ بات بھی ہے ٹھیک
اتنا بڑا ہے شہر تو ہو گا کہیں تو کچھ
اپناتو دن بھی چین سے تھا،رات بھی ہے ٹھیک
غم میں کسی کے خود کو رلانا بھی ہے نماز
مسجد میں مولوی کی مناجات بھی ہے ٹھیک
مزدور کا تھکن کے سوا کون شہر میں
اپنا ہو کوئی ساتھ تو فٹ پاتھ بھی ہے ٹھیک
او جانے والے بھوک کو روٹی کھلاتا جا
اب تک تو تیرا پاؤں بھی ہے،ہاتھ بھی ہے ٹھیک
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔