ظہیر خان مبہوت ہوا تھا یا نہیں لیکن وہ مقروض ضرور ہو گیا تھا

ظہیر خان مبہوت ہوا تھا یا نہیں لیکن وہ مقروض ضرور ہو گیا تھا۔
وہ یک ٹک اسے ریمپ پہ واک کرتا دیکھ رہا تھا۔
کب وہ واپس گٸ اور سبھی ماڈلز آنا شروع ہوٸیں اسے خبر تک نہ ہوٸ ہوش تو تب آیا جب سٹیج پر اسکا نام پکارا گیا۔
خود کو کمپوز کرتا وہ سٹیج کی طرف بڑھ گیا شو سٹاپر کے ساتھ کھڑا وہ اپنی کلیکشن متعارف کروا رہا تھا اور سب اس جوڑی کو دیکھ رہے تھے۔ شو کو بھولے وہ اسے حقیقت تصور کر رہے تھے وہ لگ ہی اتنے خوبصورت رہے تھے کہ حساب نہیں۔
وہ سٹیج سے نیچے آیا تو سبھی اس نٸ ماڈل کے بارے میں جاننے کے لیے بے چین تھے جسے ظہیر خان نے متعارف کروایا تھا اور اس قدر شاندار انداز میں متعارف کروایا تھا کہ سبھی حیران تھے۔ اور اس کے بارے میں جاننے کے لیے پر تجسس۔
وہ میڈیا والوں سے ایکسیوز کرتا باہر نکل گیا۔
اس وقت وہ سکون چاہتا تھا میڈیا سے وہ ہمیشہ ہی بچنے کی کوشش کرتا تھا اسلٸیے کسی نے اس کے جانے کا اتنا نوٹس نہیں لیا۔
عاٸشہ خود بھی اس وقت کسی سے بات نہیں کرنا چاہتی تھی سو بیک ڈور سے وہ بھی گھر جا چکی تھی۔
ظہیر سونے کے لیے لیٹا تو وہ منظر اسکے سامنے آ گیا ریمپ پر شان سے چلتی وہ مغلیہ دور کی شہزادی لگ رہی تھی۔
اگر جو ہوتی تم کوٸ مغل شہزادی
تمہارے واسطے کٸ جنگیں ہوتیں
یہ نہیں تھا کہ ظہیر خان عاٸشہ کے حسن سے مبہوت ہوا تھا حسن اس کے لیے کوٸ بڑی بات نہیں تھی۔ وجہ کچھ اور تھی عاٸشہ نے اسکی ساکھ بچاٸ تھی۔ وہ اسکا شکر گزار تھا وہ اس پہ اپنا غصہ نکال آیا تھا مگر وہ اس کے کام سے واقف تھا۔
وہ قصوروار کو بخشنے والا نہیں تھا جس نے اسکی ساکھ بگاڑنے میں کوٸ کسر نہ چھوڑی تھی۔
**************************************
اگلی صبح وہ اس ایکٹریس کے گھر پر موجود تھا۔
آ آپ مسٹر ظظ ظہیر خان۔۔۔۔۔
کیوں آپ مجھے دیکھ کر اتنا شاکڈ کیوں ہیں ہممم۔
میں تو آپ کو کانگریٹس کرنے آیا تھا کل رات آپکی وجہ سے میرا سپر ہٹ ہوا رٸیلی مجھے آپکی قابلیت کا بالکل بھی اندازہ نہیں تھا۔
وہ پر سکون سا بیٹھا اس ایکٹریس کا دل ہولا رہا تھا۔
تو مس عنایہ کیا سزا تجویز کی جاۓ آپ کے لیے۔
دد دیکھیے اِاس میں میرا کوٸ قصور نہیں تھا مم مجھے زرقون شاہ۔۔۔۔۔
اور وہ زرقون شاہ کا نام سن کر چونک پڑا تھا زرقون نے اپنی ریجیکشن کا بدلہ اس طرح سے لیا تھا۔
وہ آفس آیا کل کے شو کی پِکس اسے موصول ہوٸیں مگر اسکا موڈ اتنا خراب تھا کہ اس نے دیکھنا بھی گوارا نہ کیا۔
ہاں البتہ اس نے بِل بورڈز پہ عاٸشہ کی پکچر لگانے سے منع کیا تھا۔
وہ اسکی امپلاٸ تھی کوٸ ماڈل نہیں وہ اسکا تماشا نہیں بنا سکتا تھا۔
اس نے عارف کو کال ملاٸ اور عاٸشہ کو بھیجنے کا کہا۔ مگر وہ عاٸشہ ہی کیا جو ظہیر خان کو چین لینے دے۔
عاٸشہ اب تک آفس نہیں آٸ تھی۔ وہ دن کبھی نہیں آ سکتا تھا جب مس عاٸشہ ٹاٸم پہ آفس پہنچ جاٸیں۔
ظہیر نے اسکی سی وی منگواٸ اور اسکا نمبر ڈاٸل کیا۔
ہیلو۔۔۔۔۔ عاٸشہ کی نیند میں ڈوبی آواز آٸ۔
مس عاٸشہ کیا آپ بھول گٸ ہیں کہ آپ نے آفس آنا ہے اگر نیندیں پوری ہو گٸ ہوں تو آفس تشریف لے آٸیں۔
پہلے تو عاٸشہ کو نیند میں کچھ سمجھ ہی نہ آیا اور ۔۔۔۔ اور جب آیا تو اسکی نیند فوراً ہی اڑن چھو ہو گٸ۔
بب باس۔۔۔۔۔ میں ابھی آٸ بس آدھے گھنٹے میں۔ وہ فوراً بستر سے اتری۔
آدھا گھنٹہ نہیں دس منٹ میں پہنچیں۔
مگر سر۔۔۔۔۔ اسکی سنے بغیر ظہیر کال کاٹ چکا تھا اف یہ بندہ کبھی سدھر نہیں سکتا۔
وہ جلدی جلدی تیار ہونے چل دی اور اس جلدی جلدی میں بھی اس نے ایک گھنٹہ لگایا۔
ڈیڑھ گھنٹے بعد وہ آفس پہنچی۔
مس عاٸشہ ایم ڈی نے آپکو اپنے کیبن میں بلایا ہے۔
یس سر آپ مجھے بلا رہے تھے۔ دھماکے سے دروازہ کھولتی وہ اندر داخل ہوٸ اجازت لینے کی اور دروازہ ناک کرنے کی تمیز اسے کبھی نہیں آنے والی تھی۔
مس عاٸشہ باہر جاٸیں اور دروازہ ناک کر کے اجازت لے کر اندر آٸیں۔
مگر سر میں اندر آ چکی ہوں۔
میں نے جو کہا آپ وہ کریں۔ ظہیر خان ضبط کر رہا تھا مگر وہ اسے غصہ دلاۓ جا رہی تھی۔ اس کی بلا سے ظہیر خان بیشک ضبط کرتے کرتے ذہنی توازن کھو بیٹھے عاٸشہ نے نہیں سدھرنا تھا۔
مس عاٸشہ۔ اب کے اس نے غصے سے کہا تو وہ چلی گٸ۔
دروازہ ناک کرنے کے بجاۓ اس نے دروازہ پیٹ ڈالا۔ مے آٸ کم ان سر؟؟؟؟
نو دوبارہ ناک کریں۔
اس بار پھر وہ پورا ہاتھ رکھ کر دروازہ بجا رہی تھی۔ مے آٸ کم ان؟؟؟
مس عاٸشہ آپکو ناک کرنا نہیں آتا کیا؟؟؟ وہ غصے سے اٹھا اور اس کے ساتھ کھڑے ہو کر ناک کرنے لگا۔ دروازہ ایسے ناک کرتے ہیں انگلی کی بیک ساٸیڈ کو ذرا سا اٹھا کر ناک کرتے۔
وہ بتا کر اندر گیا۔
اف یہ بندہ اب کیا فرق پڑتا ہے کہ دروازہ انگلی سے ناک کرو یا ہاتھ سے۔ مگر نہیں اس آدمی نے مجھے تنگ کرنا ہوتا ہے بس۔
مس عاٸشہ۔۔۔۔۔
اسکی آواز پہ عاٸشہ نے گہری سانس لی اور اس بار تمیز سے دروازہ کھٹکایا۔
مے آٸ کم اِن سر ؟؟؟؟ ذرا سا جھانک کر پوچھا۔
گڈ۔۔۔ کم اِن۔ اپنی کامیابی پہ خوش ہوتے اس نے اجازت دی۔
مگر عاٸشہ نے دھماکے سے دروازہ کھول کر اس کی ساری محنت پر پانی پھیر دیا۔
یہ تو پکا تھا کہ عاٸشہ تمیز کبھی نہیں سیکھ سکتی تھی۔
اندر آتے ہی بولی۔ سر آپ ڈور بیل لگا دیں انگلی سے ناک کر کے تو میری انگلیاں درد کرنے لگی ہیں۔
وہ جو اسے دروازہ اس طرح کھولنے پہ ڈانٹنے والا تھا اسکی بَیل والی بات پہ سر پکڑ کر بیٹھ گیا۔
عاٸشہ پانچ سال کی وہ بدتمیز اور جاہل بچی تھی جسے ایک ہی چیز سکھانی کافی نہیں تھی اسے ہر چیز ہاتھ پکڑ کر سکھانی پڑتی۔
مس عاٸشہ آپ جاٸیں اور کام کریں۔
وہ حیران ہو کر اپنی ڈیسک پہ آگٸ عجیب آدمی ہے مجھے یہ سکھانے کے لیے بلایا تھا کہ ڈور کیسے ناک کرتے۔
خیر بلایا تو اس نے اسلیۓ تھا کہ عاٸشہ اتنی لیٹ آٸ تھی مگر عاٸشہ نے اسکا دماغ خراب کر دیا وہ بالکل بھول گیا کہ اس نے اسے کیوں بلایا تھا۔
پورا سٹاف جو عاٸشہ کی درگت کا سوچ رہا تھا ایسا کچھ نہ ہونے پہ دل مسوس کہ رہ گیا۔
عاٸشہ کی کسی سے نہیں بنتی تھی اس نے ہر ایک کو ہی زِچ کر رکھا تھا۔
****************************************
مما جانی مما جانی آپ کہاں ہیں؟؟؟
کیا ہو گیا زری کیوں گلا پھاڑ رہی ہو تمہارے خان لالہ جتنا دھیما بولتے ہیں تم اتنا ہی چیختی ہو۔ خان بیگم اس کے پاس آتے ہوۓ بولیں۔
اچھا نہ ادھر بیٹھیں تو سہی۔
ہاں جی بیٹھ گٸ اب بتاٶ کیا ہوا۔
خان لالہ کی خانی بیگم وہ میگزین سامنے کرتے ہوۓ بولی۔
دیکھیں کتنے کیوٹ لگ رہے ہیں نہ۔
وہ ان دونوں کی اکٹھی پِک تھی اور سچ میں دونوں بہت پیارے لگ رہے تھے۔
بس مجھے نہیں پتا مما جانی مجھے یہی بھابھی چاہیے دیکھیں لالہ کے ساتھ کتنی پیاری لگ رہی ہے۔
زرش بچوں کی طرح خوش ہوتے ہوٸ بولی۔
زری وہ ماڈل ہے تم نے دیکھا نہیں وہ اس کے ایونٹ کی شو سٹاپر ہے۔
مما جانی مگر۔۔۔۔
تم جانتی تو ہو نہ اپنے خان لالہ کو سو اس بات کو ختم کر دو تمہارے بابا جان بلا رہے ہیں میں ان کی بات سن لوں۔ خان بیگم اٹھ کر چلی گٸیں جبکہ زرش میگزین خود سے لگاۓ بستر پہ گر گٸ۔
پلیز پلیز اللہ جی خان لالہ کا ان پہ دل آ جاۓ اور وہ انہی سے ہی شادی کریں کتنی پیاری بھابھی ہوں گی میری۔
زرش سپنوں کی دنیا میں کھو گٸ۔
اسے فرق نہیں پڑتا تھا کہ وہ ماڈل ہے یا کچھ اور وہ تو بس اسے اپنے خان لالہ کے ساتھ دیکھنا چاہتی تھی۔
*************************************
ارتضیٰ سر یہ خان گروپ آف انڈسٹریز کا فیشن میگزین ہے آپ انکی کلیکشن دیکھ لیں ان کے ساتھ ڈیل کرنا اچھا رہے گا۔
ارتضیٰ خان کا سیکرٹری ان کو میگزین دے گیا۔
وہ دیکھ رہے تھے کہ اچانک جس تصویر پہ انکی نظر پڑی انہیں اپنی آنکھوں پر شبہ ہوا تھا کتنی ہی بار وہ اس تصویر کو دیکھتے رہے تھے وہ اس کمپنی کے ایم ڈی اور کل رات کے ایونٹ کی شو سٹاپر کی تصویر تھی۔
ان کی غیرت کو للکارتی یہ تصویر انکا خون کھول رہا تھا عاٸشہ کو دیکھ کر۔ ان کا بس نہیں چل رہا تھا کہ وہ عاٸشہ کو قتل کر ڈالتے۔
دوسروں کا تماشا دیکھنا آسان ہوتا ہے مگر اپنے گھر کی عورتوں کا تماشا دیکھتے ہی خون کھولنے لگتا ہے انکا قتل کرنے کا دل چاہتا ہے۔
ارتضیٰ خان غصے میں گھر پہنچے کچھ ہی دیر میں پھپھو بھی وِد فیملی وہاں پہنچ چکی تھیں۔
اور بار بار کچھ نہ کچھ بول کر ان کے غصے کو ہوا دے رہی تھیں۔
اس سارے معاملے میں جو دل سے پریشان تھا وہ خضرا اور سدرہ تھیں۔ کتنی ہی دعاٸیں ان نے کر ڈالی تھیں۔
جیسے جیسے عاٸشہ کے گھر آنے کا وقت قریب آ رہا تھا ان کے دل کی دھڑکن تیز ہوتی جا رہی تھی۔
سدرہ کو سکندر کی کال آٸ وہ صبح میگزین دیکھ چکا تھا مگر کسی نے بھی عاٸشہ کو کچھ بھی کہنے سے گریز کیا تھا ویسے بھی اس کے لیے یہ کوٸ بڑی بات نہیں تھی۔ مگر ابھی وہ سدرہ کو ٹی وی آن کرنے کا کہہ رہا تھا۔
سدرہ نے ڈرتے ڈرتے ٹی وی آن کیا اور شو بزنس نیوز لگا دی۔ جہاں اپنے جلوے بکھیرتا ظہیر خان پریس کانفرنس کر رہا تھا۔
جس میں اس نے زرقون ایر عنایہ کی لاپرواہی اور ان کی وجہ سے اپنے ایونٹ کو پہنچتا نقصان کا بتایا تھا۔
ان دونوں کا کیرٸیر تو سمجھو ختم تھا کیونکہ ظہیر خان کا کہا پتھر پر لکیر تھا۔
اس کے بعد وہ عاٸشہ خان کا شکر گزار ہوا تھا جس نے اس کا ایونٹ بچایا تھا اور ساتھ ہی اس نے اس بات کی تردید کی تھی کہ وہ کوٸ ماڈل نہیں ہے ہنگامی صورت کے پیشِ نظر اٹھایا گیا ایک قدم تھا وہ اس کے آفس کی امپلاٸ تھی۔ تبھی بِل بورڈز پر اس کی تصویر لگانے سے منع کیا گیا تھا ساتھ ہی اس نے میڈیا کو بھی جھاڑ پلاٸ تھی جس نے اس سے پوچھے بغیر وہ تصویریں چھاپی تھیں۔
ایک بوجھ تھا جو ان کے سر سے ہٹا تھا۔ اور سکون کی سانس خارج کی تھی۔ جہاں پہلے عاٸشہ کے لیے ڈر تھا اب اس کے لیے فخر تھا۔
ارتضیٰ خان اپنے کمرے میں چلے گۓ تھے جبکہ پھپھو منہ بنا کر رہ گٸ تھیں۔ ان کی سوچ کے برعکس جو صورتحال ہو گٸ تھی۔
***************************************
زری بیٹھی نیوز دیکھ رہی تھی اور اپنے خان لالہ کو آج پہلی مرتبہ کسی کے لیے بولتا دیکھ رہی تھی۔ اسکی دعا قبول ہوٸ تھی یا کچھ اور تھا جو بھی تھا وہ خوش تھی بے انتہا۔
تو پھر مما جانی اب آپ کیا کہیں گی عاٸشہ خان تو ماڈل نہیں ہے تو اب تو آپ مان جاٸیں گی نہ۔
اوفوہ زری ہر وقت ہوا کے گھوڑے پہ رہتی ہو۔ تمہارے خان لالہ سے پوچھتی ہوں میں مگر ابھی نہیں یہ بات پرانی ہو جانے دو ورنہ میڈیا کا بھی تو پتا ہے نہ۔
خان نے ان کو بھی جھاڑ دیا ہے تو اپنی پوزیشن بہتر بنانے کے لیے وہ کوٸ ایشو تو بناٸیں گے ہی۔
اوکے مما جانی مگر مجھے یہی بھابھی چاہیے۔
سوچ لو زری اگر یہ شیرنی کے بجاۓ چھوٹی سی ڈری سہمی سی بکری ہوٸ تو۔۔۔۔۔
وہ اسے چھیڑ رہی تھیں اور وہ فکرمند ہو گٸ تھی۔ پھر مسکراتے ہوۓ بولی۔
اب یہ تو ان کے آفس سے ہی پتا چلے گا کہ یہ بکری ہے یا شیرنی۔
تو تم خان کے آفس جاٶ گی۔
نہیں ان کے آفس میں میری ایک کالج فرینڈ جاب کرتی ہے اگر اب تک لالہ نے اسے فاٸر نہ کیا ہو تو۔۔۔۔۔
وہ ہنستے ہوۓ بولی۔
**************************************
عاٸشہ گھر آٸ تو سدرہ کو دیکھ کر خوش ہو گٸ۔
آہاں آج تو بڑے بڑے لوگ آۓ ہوۓ ہیں۔
بڑے لوگوں کی بچی آٶ میرے ساتھ۔ سدرہ اسے اسکے کمرے کی طرف دھکیلتی ہوٸ بولی۔
کیا ہو گیا لالی؟؟؟؟
پہلے چلو تو سہی۔۔۔
اچھا جا رہی ہوں مام پلیز میرے لیے کچھ کھانے کو لے آٸیں۔
اف لڑکی تمہارا پیٹ ہے یا عمر و عیار کی زنبیل جو کبھی بھرتی نہیں۔
ہاں ہاں آپ جیلس ہوا کریں بس اور سیانے کہتے ہیں اگر آپکو کوٸ کھاتے ہوۓ نہیں دیکھتا تو آپکی کیلریز کبھی نہیں بڑھتیں۔
یہ سیانی تم ہی ہو سکتی ہو۔
آف کورس۔
اچھا اب بتاٸیں کیا ہوا۔
ہونے والا تھا مگر ٹوٸسٹ آگیااور بچت ہو گٸ۔
مگر ہوا کیا؟؟؟؟
اوہو پہلے سن لو۔۔۔۔ سدرہ نے اسے ساری کہانی بتاٸ۔
تمہیں اپنے باس کا شکریہ ادا کرنا چاہیے جس نے تمہیں بچا لیا اور تم کہاں کھو گٸ ہو؟؟؟
کچھ نہیں لالی۔۔۔۔ کتنی عجیب بات ہے نہ ڈیڈ مجھے بیٹی نہیں مانتے اور آج انکی غیرت جاگ گٸ کیا بیٹیوں کو جینے کا کوٸ حق نہیں ہے۔
وہ اداس ہو گٸ تھی۔
لاڈو ان کے لیے اداس نہیں ہوتے جو آپ سے خوش نہیں انکے لیے خوش رہو جو تمہیں پیار کرتے ہیں ہمم۔
تھیکنس لالی۔
چلیں پیزا کھانے چلتے ہیں۔
پیٹو گھر پہ بیٹھو۔
اوہو لالی جب آپ گھر پر موجود ہوں تو باہر کون جاۓ چلیں جلدی سے مجھے پیزا بنا دیں اور ہاں آج آپ نے میرے پاس رہنا ہے اوکے۔
اوکے مگر ابھی کھانا لگ گیا ہے چلو کھانا کھاٶ۔
**************************************
سدرہ کو عاٸشہ نے روک لیا تھا اور اب وہ ایک بجے تک گپیں لگاتی رہی تھیں۔
چلیں نہ لالی اب تو مجھے پیزا بنا دیں نہ۔ ویسے بھی آپ سے اچھا پیزا کوٸ نہیں بناتا۔
مسکے لگایا کرو بس تم۔
سدرہ اس کے لیے پیزا بیک کر رہی تھی۔ اور عاٸشہ شیلف پہ بیٹھی اس کا دماغ چاٹ رہی تھی۔
لاڈو تم بھی کچھ بنانا سیکھ لو اب۔
رہنے دیں لالی مجھے سیکھ کر کیا کرنا۔
کم از کم کافی بنانا ہی سیکھ لو۔
ارے لالی کافی مجھے پسند ہی نہیں ۔۔۔۔۔۔ کافی سے یاد آیا پتا ہے ایک دن کیا ہوا۔۔۔
وہ اسے کافی والا قصہ سنا رہی تھی اور سدرہ کا ہنس ہنس کر برا حال تھا۔
لاڈو تمہارا کوٸ حال نہیں تم نے اپنے باس کو وہ بری سی کافی دو بار پلاٸ۔۔۔
ہاں تو کیا ہو گیا آپ کو پتا ہے آج مجھے سکھا رہے تھے کہ دروازہ کیسے ناک کرتے ہیں۔ ہونہہ جیسے کہ مجھے کچھ نہیں نہ پتا۔
ہاہاہا ویسے لاڈو ڈور ناک کرنا تو تمہیں سچ میں نہیں آتا۔
بے چارہ تمہارا باس۔
اب ایسا بھی کوٸ بے چارہ نہیں ہے۔
عاٸشہ ماننے کو تیار ہی نہیں تھی کہ اس نے ظہیر خان کا جینا حرام کیا ہوا تھا۔
******************************
مس عاٸشہ مجھے یہ فاٸل آدھے گھنٹے میں تیار چاہیے۔
ویسے چاہیے تو اسے ایک گھنٹے میں تھی مگر وہ جانتا تھا کہ اگر ایک گھنٹہ کیا تو وہ دو گھنٹے لگاۓ گی یا ہو سکتا ہے سارا دن لگا دے۔
وہ ڈھیلی نہیں تھی بس ظہیر خان کو تنگ کرنے کے لیے جان بوجھ کر دیر کرتی تھی۔
مگر ظہیر خان بھی کوٸ بچہ نہیں تھا وہ اس سے شارٹ نوٹس پہ کام کرواتا تھا اور ٹاٸم پہ اسے مل جاتا تھا ایسا تبھی ہوتا تھا جب اتنا ضروری کام نہیں ہوتا تھا ورنہ وہ ضروری کام وقت سے پہلے ختم کر دیتی تھی۔
ایک گھنٹے بعد وہ اس کے ڈیسک پہ گیا تو وہ اپنے مخصوص اسٹاٸل میں بیٹھی چیٸر پہ جھول رہی تھی۔
مس عاٸشہ فاٸل کمپلیٹ ہو گٸ۔
افوہ سر بندہ آرام سے بوگتا ہے کسی دن آپ مجھے ہارٹ اٹیک دلواٸیں گے آپکی چھاپا مارنے والی عادت سے میں بہت تنگ ہوں۔
اور ظہیر خان ابرو اچکاۓ کھڑا تھا۔
سیریسلی عاٸشہ خان کو بھی ہارٹ اٹیک ہو سکتا ہے جو دوسروں کو اٹیک دلواتی ہے۔
فاٸل کمپلیٹ ہوٸ ؟؟؟
یس سر ہو گٸ ہے آدھا گھنٹہ پہلے ہی۔ روانی سے بولتی وہ سچ بول گٸ۔
فوراً زبان دانتوں تلے دباٸ۔
اور وہ مٹھیاں بھینچ کر رہ گیا۔
فاٸل کانفرنس روم میں لاٸیں سٹاف میٹنگ ہے پانچ منٹ میں۔
وہ کہتا چل دیا۔
میٹنگ میں وہ سٹاف کو نٸے پراجیکٹ کے بارے میں بتا رہا تھا نیو ڈیزاٸن پبلک ڈیمانڈ فیشن ہر چیز کو نہایت باریکی سے وہ ڈسکس کر رہا تھا۔
ظہیر خان کی سب سے اچھی بات یہ تھی کہ اس نے ہر کام میں اپنے سٹاف کو شامل رکھا تھا انکے آٸیڈیاز لینا اپنا پواٸنٹ آف ویو سمجھانا۔ یہی وجہ تھی کہ وہ آج کامیابی کے جھنڈے گاڑ رہا تھا۔
جی تو مس عاٸشہ کیا وہ وقت کبھی آسکتا ہے جب آپ سدھر جاٸیں؟؟؟
سر میں سدھری ہوٸ ہوں۔ وہ صدماتی کیفیت میں بولی۔
اوہ اچھا تو آج جو آپ نے کیا وہ کیا تھا وہ کیا تھا ہمم؟؟؟
اسکا اشارہ فاٸل کی طرف تھا۔
وہ سر میں نے سوچا جب آپکو چاہیے ہو گی تب دوں گی۔
عاٸشہ اور شرمندہ ہو جاۓ ہاٶ از اٹ پاسِبل؟؟؟
وہ صرف سوچ کر ہی رہ گیا۔
***********************************
ظہیر خان کی میٹنگ تھی۔ وہ میٹنگ سے واپس آیا تو عاٸشہ ڈیسک پر پاٶں رکھے ببل چباتی اسکی پریس کانفرنس دیکھ رہی تھی۔ جتنا وہ لالی سے سن چکی تھی وہ دیکھنا چاہتی تھی آج دو دن بعد موقع ملا تو دیکھ لی۔
وہ اس میں گم تھی کہ ظہیر خان کھنکارا۔
عاٸشہ کافی بھجواٸیے۔
اوکے سر۔
وہ کافی کا آرڈر کر کے باقی کی دیکھنے لگی ۔ کافی رکھی جا چکی تھی مگر عاٸشہ تب اٹھی جب کانفرنس ختم ہوٸ ۔ کافی ٹھنڈی ہو چکی تھی مگر اسکی بلا سے۔
وہ لے گٸ۔
سر کافی۔
عاٸشہ ڈور ناک کرتے ہیں۔
وہ چڑ کر بولا۔
سر اس چیر میں کافی ٹھنڈی ہو جاتی۔
عاٸشہ کے پاس سارے جواب تھے۔
اسے گھورتا ہوا وہ کافی کا گھونٹ لینے لگا مگر اسکا حلق تک کڑوا ہو گیا۔
کافی ٹھنڈی اور بدذاٸقہ ہو چکی تھی۔
وہ بے بسی سے اسے دیکھ کر رہ گیا۔
یقیناً اسکی جگہ کوٸ عورت ہوتی تو دھاڑیں مار کر روتی۔
عاٸشہ عاٸشہ آپ کیوں ہیں ایسی؟؟؟؟ وہ پھٹ ہی تو پڑا تھا۔
سر میں جانتی ہوں کہ میں اچھی ہوں اب آپ اتنی بھی تعریف نہ کریں اور ہاں موسٹ ویلکم سر۔ اس پریس کانفرنس کے لیے۔
ویلکم کیوں۔ کیا حالت تھی اس وقت ظہیر خان کی مگر عاٸشہ کی بلا سے کچھ بھی ہو۔
وہ سر اس دن میں نے آپکا ایونٹ بچایا تو آپ نے شکریہ کے طور پر مجھے میرے گھر والوں سے بچا لیا۔
تو اسلٸیے موسٹ ویلکم میں نے آپکا تھینکس ایکسیپٹ کر لیا اور پھر واقعی ہی شکریہ تو بنتا تھا نہ میں نے آپکا کروڑوں کا نقصان ہونے سے بچایا تھا۔
اسکی شکر گزار ہونےکے بجاۓ وہ اس پہ اپنا احسان جتا رہی تھی۔