(Last Updated On: )
گیت
یہ ہنستی گاتی کلیاں اور پھول یہ پیارے پیارے
یہ ننھے ننھے تارے ہیں سارے دوست ہمارے
ہیں سارے دوست ہمارے
آؤ مل کر ہم کھیلیں دکھ غیروں کے سب لے لیں
خوشیاں ہر سو پھیلا کر کہلائیں راج دلارے
ہیں سارے دوست ہمارے
بانٹ کے سکھ سارے جگ میں ابدی راحت ہم پائیں
کرنوں سے اجیارا کر دیں اس دھرتی کے تارے
ہیں سارے دوست ہمارے
دنیا میں ہیں جتنے انساں سب سے پیار کریں ہم
خوشیاں بھی ہیں ایک ہماری غم بھی سانجھے سارے
ہیں سارے دوست ہمارے
یہ ہنستی گاتی کلیاں اور پھول یہ پیارے پیارے
یہ ننھے ننھے تارے ہیں سارے دوست ہمارے
