(Last Updated On: )
یا رسول اللہ دہائی دین امت دے گلاب
تک لوو تے کھِڑ پون گے پھر محبت دے گلاب
کی صداقت، کی عدالت، کی شجاعت دے گلاب
عظمتاں دی جان سوہنا تیری عظمت دے گلاب
فیر وحشی بن گئے ویکھو ہدائت دے گلاب
آپ دے لب توں جھڑے جد علم ، حکمت دے گلاب
زلف کستوری دے قیدی مشک ، عنبر ہو گئے
والضحیٰ دے مکھ توں لیندے فیض جنت دے گلاب
مصطفی دا واسطہ دے کے خدا توں خیر منگ
فیر ویکھیں عرشوں وسدے کِنّے رحمت دے گلاب
ہجر وچ رو رو کے چٹے فیر کالے ہو گئے
آئو آقا لال ہوون میری قسمت دے گلاب
شعر دی اعجاز جھولی نعت دے پھل پالئے
اے خدا جگ تے مہکدے رہن مدحت دے گلاب
